Biblioteka Kombëtare e Kosovës ju ofron të gjithë përdoruesve të saj qasje në një gamë të gjerë burimesh, përfshirë libra, gazeta, revista, dhe materiale digjitale. Biblioteka posedon rreth 2.5 milionë materiale, duke përfshirë edhe libra të rrallë, dorëshkrime, harta dhe fotografi.

Biblioteka ofron hapësira të qeta për të studiuar, si dhe dhoma të specializuara për grupe punuese. Stafi ynë i kualifikuar është gjithmonë në dispozicion për t’ju ndihmuar të gjeni informacionin e nevojshëm dhe për t’ju ofruar këshilla për përdorimin e burimeve tona.

Ju lutemi, shfrytëzoni çdo mundësi që ofron Biblioteka Kombëtare e Kosovës për të thelluar njohuritë tuaja dhe për të ndarë idetë tuaja me të tjerët. Ne besojmë se kultura dhe dijet janë çelësi i një shoqërie të zhvilluar.

*Regjistrimi në Bibliotekën Kombëtare të Kosovës, është 12 euro, për një vit. Në këtë çmim përfshihen përdorimi i hapësirave të BKK, përdorimi i të materialeve të BKK, si dhe interneti falas.